خاچی سووری نێوده‌وڵه‌تی به‌هاوكاری له‌گه‌ڵ ئیداره‌ی پارێزگای هه‌ڵه‌بحه‌ هه‌وڵی زیاتری گه‌ڕان به‌دوای ونبووه‌كانی كاره‌ساتی كیمیابارانی هه‌ڵه‌بجه‌ له‌ وڵاتی ئێران ده‌ده‌ن.

كاوە عه‌لی، جێگری پارێزگاری هەڵەبجە، بۆ (باسینوز) گوتی: "له‌میانه‌ی كۆبوونه‌وه‌یه‌كماندا له‌گه‌ڵ به‌رپرسانی خاچی سووری نێوده‌وڵه‌تی گفتوگۆمان سه‌باره‌ت به‌ چه‌ند پرسێكی تایبه‌ت به‌ قوربانیانی كاره‌ساتی كیمیابارانی هه‌ڵه‌بجه‌ كرد".



گوتیشی: "هاوكات له‌و كۆبوونه‌وه‌یه‌ پرسی گەڕان و پرسین به‌دوای منداڵانی ونبوویی كاره‌ساتی كیمیابارانی هەڵەبجە، لەوڵاتی ئێران و كەیسی چارەسەركردنی بریندارانی چەكی كیمیایی و كردنەوەی خول بۆ هێزەكانی پۆلیس و ئاسایش تایبەت بەمافەكانی مرۆڤ و چۆنیەتی مامەڵەكردن لەگەڵ زیندانیان و راگیراوان خرانەروو".