به‌ڕێوه‌به‌ر و جێگری‌ به‌ڕێوه‌به‌ری‌ بانكی‌ ناوه‌ندی‌ هه‌رێم كه‌ له‌سه‌ر داوی‌ ده‌سته‌ی‌ ده‌ستپاكی‌ هه‌رێمی‌ كوردستان له‌لایه‌ن پۆلیسی‌ هه‌ولێره‌وه‌ ده‌ستگیركرابوون، ئه‌مڕۆ به‌ بڕیاری‌ دادوه‌ر به‌ (كه‌فاله‌ت) ئازادكران.

د.ئه‌حمه‌د ئه‌نوه‌ر، سه‌رۆكی‌ ده‌سته‌ی‌ ده‌ستپاكی‌ هه‌رێم تایبه‌ت به‌ خه‌ندانی‌ راگه‌یاند: "ئه‌مڕۆ دووشه‌مه‌ به‌ فه‌رمانی‌ دادوه‌ر به‌ڕێوه‌به‌ر و جێگری‌ به‌ڕێوه‌به‌ری‌ بانكی‌ ناوه‌ندی‌ هه‌رێم به‌(كه‌فاله‌ت) ئازادكران".

وتیشی‌: "تا ئه‌و كاته‌ی‌ دۆسیه‌كه‌یان له‌ دادگا یه‌كلایی‌ ده‌بێته‌وه‌ ئه‌و تۆمه‌تبارانه‌ ناتوانن بچنه‌وه‌ سه‌ركاره‌كانیان".

رۆژی‌ چوارشه‌ممه‌ 13ی‌ نیسانی‌ 2016، له‌سه‌ر دوای‌ ده‌سته‌ی‌ ده‌ستپاكی‌ هه‌رێمـ به‌ڕێوه‌به‌ر و جێگری‌ به‌ڕێوه‌به‌ری‌ بانكی‌ ناوه‌ندی‌ هه‌رێم له‌لایه‌ن پۆلیسه‌وه‌ ده‌ستگیركران.