ڕۆژنامەی تایمزی بەریتانی ئاشکرای کردووە، کە لە ڕێگەی تونێلێکەوە، داعش کەلوپەلە شوێنەوارییەکانی مووسڵ دەباتە دەرەوە و دەیانفرۆشێ.

تایمز کە یەکەم ڕۆژنامەش بوو بەتاڵانبردنی شوێنەوارەکانی مووسڵی لەلایەن داعشەوە ئاشکرا کرد، سەرچاوەکەی چالاکێکی مەدەنییەکە ناوی بڵاو نەکراوەتەوە و شوێنی تونێلکەی بۆ دەستنیشان کردوون و دەڵێ، ئەو تونێلە دەکەوێتە خوار دیواری مووسڵ لە باشووری شارەکە و بە گردی تەوبە ناسراوە.

وەک سەرچاوەکەی تایمز باسی کردووە، داعش لەو تونێلەوە بە سەدان پارچە شوێنەوارییان بە تاڵان بردووە و لە بازاڕی رەش فرۆشتوویانە، کە تابلۆی نووسینی بزماری و کەلوپەلی سەردەمەکانی ئاشووری و سۆمەری و پاشاکانی مێژوو (سەنحاریب) و (سەرجۆنی دووەم) و (نەمروود)ی تێدایە کە زۆربەیان دەگەڕێنەوە بۆ سەدەی حەوتەمی بەر لە زایین.








KDP