پسپۆڕێکی چەکە کیمیاوییەکانی رێکخراوی توندڕەوی داعش لە پارێزگای نەینەوا بەهۆی بۆردومانێکی ئاسمانی دەکوژرێت.

سەرچاوەیەک لە پۆلیسی پارێزگای نەینەوا راگەیاند، کە غالب ئەلوەزان، سەرکردەیەکی داعش لەگەڵ شەش چەکداری دیکەی رێکخراوەکە کوژراون و تەرمەکەیان ناردراوەتە پزیشکی دادیی مووسڵ.

بە گوتەی ئەو سەرچاوەیە، غالب ئەلوەزان لە ناو بەڕێوەبەرایەتیی کشتوکاڵی بادووش لە پارێزگای نەینەوا بووە و فڕۆکە جەنگییەکانی هاوپەیمانان باڵەخانەکەیان بۆردومان کردووە، کە داعش وەک بارەگای خۆی دیاریکردووە.

بەپێی زانیارییەکانی پۆلیسی پارێزگای نەینەوا، فڕۆکە جەنگییەکانی هاوپەیمانان کارگەیەکی دەرمانیان لە مووسڵ بۆردومان کردووە و بووەتە هۆی کوژرانی ئیسماعیل قادر، پسپۆڕی چەکە بایۆلۆژییەکانی ئەو رێکخراوە و چوار چەکداری دیکە.

ئیسماعیل قادر، کە بە رەگەز سورییە، کارگەی دەرمانەکەی وەک شوێنێک بۆ دروستکردنی چەکی کیمیاوی و بایۆلۆژیی بەکارهێناوە.






له باسنیوز