فڕۆکە جەنگییەکانی هاوپەیمانان لە نزیک گوندی سوڵتان عەبدوڵڵا لە میحوەری گوێڕ،بۆردوومانی بنکەکانی داعش دەکەن و فەرماندەیەکی پێشمەرگەش دەڵێت "بنکەیەکی سەرەکی داعش لە سنوورەکە بەتەواوی خاپوور کراوە".

عەمید تاهیر جادر، فەرماندەی بەتالیۆنی 2 ی هیزی1 لە فەرماندەیی بارزان راگەیاند: دوای ئەوەی کاژێر 7:00ی بەیانی ئەمڕۆ شەممە 12-12-2015، چەکدارانی داعش بە هاوەن بۆردوومانی پێشمەرگەیان کرد، پێشمەرگە بە تووندی وەڵامیان دانەوە و دواتر فڕۆکە جەنگییەکانی هاوپەیمانان 10 هێرشی یەک لەدوای یەکیان کردە سەر بنکەکانی داعش و لە ئەنجامدا بنکەیەکی سەرەکی ئەو رێکخراوە خاپوور کرا".

سەبارەت بە زیانەکانیش عەمید تاهیر گوتی "هیچ زیانێکی گیانی و ماددی بەر هێزی پێشمەرگە نەکەوتووە و، زیانە گیانییەکانی داعشیش تاوەکو ئیستا نەزانراون".









رووداو