ئەمشەو ئۆتۆمبێلێكی بۆمبڕیژكراو لەبازاڕێكی گەڕەكی واستی لەنزیك فەرمانگەی كۆمپانیای خۆراكی شاری كەركوك تەقیەوە، بەپێی ئامارەكان 8 شه‌هیدو 20 برینداری لێكەوتۆتەوە.

په‌یامێرى كوردستان تى ڤى له‌ شارى كه‌ركوك رایگه‌یاند كه‌ ئه‌مشه‌و ئۆتۆمبێلێكی بۆمبڕیژكراو لە گەڕەكی واستی شاری كەركوك له‌ ته‌نیشت دوكانێكى فرۆشتنى مه‌ی تەقیەوەو بەپێی ئاماره‌كان 8 كه‌س شه‌هید بوون و 20ى تریش برینداربوون و زه‌ره‌رو زیانێكى زۆریش به‌ر چه‌ندین دوكانى ده‌وروبه‌ر كه‌وت و ئۆتۆمبێلێكیش سووتاوه‌ .

هه‌روه‌ها په‌یامێرى كوردستان تى ڤى راشیگه‌یاند كه‌ ئه‌و بریندارانه‌ بۆ چاره‌سه‌رى پێویست ڕه‌وانه‌ى هه‌ردوو نه‌خۆشخانه‌ى گشتى و ئازادى كه‌ركوك كران .