سەرچاوەیەكی ئەمنی ڕایگەیاند" هێزەكانی ئاسایشی پارتی دیموكراتی كوردستان هەستا بەپاراستنی گوندێكی سەر بەشارۆچكەی داقووق چونكە لەلایەن گروپی تیرۆریستی داعشەوە هەڕەشەی هێرش كردنیان لێكراوە .


سەرچاوەیەكی ئەمنی لە شارۆچكەی داقووق بەئاژانسی هەواڵی پەیامنێری ڕاگەیاند " دوای ئەوەی هاووڵاتیانی گوندی جینگڵاوای سەر بەشارۆچكەی داقووق هانان بۆ ئاسایشی پارتی دیموكراتی كوردستان دەبەن لەو شارۆچكەیە چونكە لەلایەن گروپی تیرۆریستی داعشەوە هەڕەشەیان لێكراوە بەچۆڵكردن و هێرش كردنە سەر ماڵ و منداڵەكانیان ئاسایشی داقووق دەس بەجێ هێزێك ڕەوانەی ئەو گوندە دەكەن بۆ پاراستنیان لەوێدا جێگیریان دەكەن .

جێگەی باسە هاووڵاتیانی گوندی جینگڵاوا لە پێشتردا داوایان لە هێزەكانی پێشمەرگە كردبوو كە بیان پارێزن بەڵام هێزەكانی ئاسایش بەشێوەیەكی كاتی تاكو هێزەكانی پێشمەرگە دەچێتە گوندەكە لەو گوندە دەمێننەوە.