ڕێكخراوی جەیشی سەر بە ئەنسارولسوننە و ڕێكخراوی دەوڵەتی ئیسلامی لە عێراق و شام (داعش)، شەڕیان لە دژی یەكتری ڕاگەیاند.

سەرچاوەیەكی تایبەت بە KDP.infoـی ڕاگەیاند: لە شاری سەعدییەی سەر بە قەزای خانەقین، شەڕ لە نێوان هێزەكانی داعش و جەیشی ئەنسارولسوننە دەستی پێكردووە و چەندین كوژراو و برینداری لێ كەوتووەتەوە.

سەرچاوەكە زیاتر گوتی: دوای ئەوەی چەندین چەكداری گرووپی نەقشبەندییەكان و جەیشی ئەنسارولسوننە لە ناوچەی حەمرین بەدەستی چەكدارەكانی داعش كوژران، وەك پەرچەكردارێك جەیشی ئەنسارولسوننە، جەنگی لە دژی داعش لە سەرتاسەری عێراق ڕاگەیاند.

شایانی باسە، ئەم ڕێكخراوانە دوو ڕێكخراوی سوننەمەزهەبەكانی عێراقن و لە ناوەڕاستی عێراق خاوەن توانایەكی زۆرن، پێشتریش لە ڕووی ئادۆلۆژیاوە زۆر لە یەكتر نزیك بوون، بەڵام پێدەچێت بەرژەوەندی و پاوانخوازی هۆكارەكانی ئەم شەڕە بن.