نێچیرڤان بارزانى: پێ دهچێت له چوار ساڵی داهاتوودا ههرێمى كوردستان ڕووبهڕووى گهلێك پرسى چارهنووسساز ببێتهوه
سهرۆك وهزیران پرۆسهى ههڵبژاردنى پهرلهمانى عیراق و ئهنجومهنى پارێزگاكانى ههرێمى كوردستانى وهك ههنگاوێكى سهركهوتوو له قهڵهم دا و هیواى خواست كه عیراق و پارێزگاكانى كوردستان له داهاتوودا ههنگاوى گهورتر بنێن بهرهو خزمهتى زیاترى گهل و نیشتمان.
سهرۆك وهزیران جهختى له پاراستنى دهسكهوته دیموكراتییهكانى ههرێم و لێكنزیكبوونهوهى زیاترى لایهنه سیاسییهكانى ناو پهرلهمانى كوردستان كردهوه تا ئارامى و ئاسایشى ههرێم له گهشهى بهردهومدا بێت و ئازادیى ئابووریى كوردستان سهقامگیرتر ببێت، تا گهشهى ئابوورى؛ ژیانى هاووڵاتیانى ههرێم ئاسوودهتر بكات و خهڵكى كوردستان ههست به بوونى سیاسهتى ههماههنگ بكهن بۆ پاراستنى دهسكهوته هاوبهش و نیشتمانییهكانى تا ئێستاى ههرێمى كوردستان.
سهرۆك وهزیران له كۆتاییدا هیواى خواست چوار ساڵى داهاتوو ببێته نموونهیهكى نوێ بۆ كارى پێكهوهیى لهسهر بهرژوهندیى هاوبهش، چونكه پێ دهچێت لهو ماوهیهدا ههرێمى كوردستان ڕووبهڕووى گهلێك پرسى چارهنووسساز ببێتهوه.
لاى خۆیهوه سهرۆكى پهرلهمانى كوردستان سوپاسى خۆى بۆ ئهم پیرۆزباییهى سهرۆك وهزیران دهربڕى و هیواى خواست قۆناغى داهاتوو له سایهى كارى هاوبهش و پێكهوهییى ههموو لایهنهكاندا، قۆناغى سهركهوتن و خزمهتى زیاتر بێت.
