9 حوزه‌یران / یۆنیۆ (گوڵان میدیا)- كەمێك بەر لە ئێستا نووری مالكی، سەرۆك وەزیرانی عێراق گەیشتە شاری هەولێر و بڕیارە كۆبوونەوەی ئەنجوومەنی وەزیرانی عێراق ئەنجام بدات.

وەك بڕیار بوو، كەمێك بەر لە ئێستا سەرۆك وەزیرانی عێراق و تەواوی ئەنجوومەنی وەزیرانی عێراق گەیشتنە فرۆكەخانەی نێودەوڵەتی شاری هەولێر و لەلایەن سەرۆكی حكومەت و سەرۆكی پەرلەمان و ئەنجوومەنی وەزیرانی حكومەتی هەرێمی كوردستان پێشوازی كرا.

بڕیارە هەر ئەمڕۆ مالیكی و بارزانی كۆببنەوە و دواتر لەگەڵ نێچیرڤان بارزانی سەرۆكی حكومەتی كوردستان كۆبوونەوەی فراوان بكەن.

چاوەڕوانی زانیاری زیاتر بن..