5 حوزه‌یران / یۆنیۆ (گوڵان میدیا)- به‌پێی ئاماری به‌ڕێوه‌به‌رایه‌تی هاتوچۆی سۆران له‌ مانگی 5ـدا 14 ڕووداوی هاتوچۆ ڕوویانداوه‌ و به‌هۆی ڕووداوه‌كان 20 هاوولاَتی بریندار بوونه‌ و 2 هاوولاَتیش گیانیان له‌ ده‌ستداوه‌.

ڕاگه‌یاندنی هاتوچۆی سۆران، ئیبراهیم باڵه‌كی، به‌ ئاژانسی هه‌واڵی په‌یامنێری ڕاگه‌یاند، له‌ ماوه‌ی مانگی ئایاری ئه‌مساڵ له‌ سنووری هه‌ر چوار شارۆچكه‌كانی مێرگه‌سۆر، سۆران، ڕواندز، چۆمان، 22 ڕووداوی هاتوچۆ ڕوویانداوه‌ و به‌هۆی ئه‌و ڕووداوانه‌وه‌ 20 هاوولاَتی بریندار بوونه‌ و 2 هاوولاَتیش گیانیان له‌ ده‌ست داوه‌ و كه‌ برینی هه‌ندێك له‌ برینداره‌كان سه‌خت بووه‌.
ئیبراهیم ئاشكراشی كرد، زۆربه‌ی ڕووداوه‌كان له‌ ڕێگاكانی ده‌ره‌وه‌ بوونه‌ و به‌هۆی پابه‌ند نه‌بوونی شۆفێران به‌ ڕێنمایه‌كانی هاتوچۆوه‌ بووه‌.