سەرۆكی حكومەت بەردی بناغەی پرۆژەیەكی گەورەی ئاوی دانا
لە وتارێكیشدا كە بەو بۆنەیەوە پێشكەشی كرد، سەرۆكی حكومەتی هەرێمی كوردستان رایگەیاند: \"خۆشحاڵم ئەمڕۆ لەو دەڤەرە شۆڕشگێرەم بۆ كردنەوەی پڕۆژەیەكی تری خزمەتگوزاری ، ئەوە مانایەكی گەورەی هەیە بەنیسبەت ناوچەیەكی وەك بارزان ، كە هەمیشە لەژێر هێرش و كاولكاریدا بووە. ئەوە مانای ئەوەیە كە بە پشتیوانی خوا ، كاروانی ئاوەدانكردنەوەی كوردستان وەستانی بۆ نییە و هەر بەردەوام دەبێت\"".
پڕۆژەكە خزمەتی 51 گوندی ناوچەی دەڤەری بارزان دەكات، وەك نێچیرڤان بارزانی، سەرۆكی حكومەت ئاماژەی پێكرد، ئەو پڕۆژەیە بڕی 80 ملیۆن دۆلاری بۆ تەرخانكراوە و ماوەی تەواوكردنی پڕۆژەكە لەلایەن كۆمپانیای توركی ARGEدوو ساڵە، ئەوەش گرنگە كە كۆمپانیاكە ئەركی دوو ساڵ كارپێكردنی پڕۆژەكەشی لە ئەستۆدایە.
سەرۆكی حكومەتی هەرێمی كوردستان گوتیشی: \"" زۆر سوپاسی وەزارەتی شارەوانی، كۆمپانیای جێبەجێكار و هەموو لایەنە پەیوەندیدارەكانی تر دەكەم، بۆ راپەڕاندنی ئەركەكانیان لەو پڕۆژەیەدا\"". هەروەها هیوای خواست ئەو پڕۆژەیە ئاوەدانییەكی زیاتر بەو ناوچەكە ببەخشێت ."
