30ی نیسان/ئەپرێل (گوڵان میدیا)- دوێنێ لیژنه‌ى ئاوه‌دانكردنه‌وه‌ ونیشته‌جێكردن وهاوچه‌رخكردنى لادێكان به‌ئاماده‌بوونى حه‌مه‌ سه‌عید حه‌مه‌ عه‌لى سه‌رۆكى لیژنه‌و شلێر موحه‌ممه‌د جێگرى سه‌رۆكى لیژنه‌و خه‌لیل عوسمان بڕیارده‌رى لیژنه‌ و ته‌واوى ئه‌ندامانى لیژنه‌ له‌گه‌ڵ هێرش موحه‌ره‌م سه‌رۆكى ده‌سته‌ى گشتى وه‌به‌رهێنان وهه‌ریه‌ك له‌نه‌ورۆز مه‌ولود وسامان عاره‌ب به‌ڕێوه‌به‌رانى ده‌سته‌ى وه‌به‌رهێنانى هه‌ولێر كۆبوونه‌وه‌.

له‌كۆبوونه‌وه‌كه‌دا گفتوگۆ ده‌رباره‌ى كێشه‌ى یه‌كه‌ نیشته‌جێ بووه‌كانى هیران ستى وكۆیه‌ ستى وئۆزال ستى وكێشه‌كانى كۆمپانیاى بیابان وچاودێر ستى كرا، له‌مباره‌یه‌وه‌ سه‌رجه‌م كێشه‌كان وداواكارییه‌كانى هاوڵاتیان خرانه‌ڕوو، پاشان گفتوگۆیه‌كى تێروته‌سه‌لیان له‌باره‌وه‌ كرد، له‌ئه‌نجامدا بڕیاردرا كه‌ هه‌موو لایه‌ك هاوكاربن بۆ دۆزینه‌وه‌ى میكانیزمى گونجاو به‌پێى یاساو رێنماییه‌ گستیه‌كان بۆ چاره‌سه‌ركردنى كێشه‌كان وجێبه‌جێ كردنى خواستى هاوڵاتیان.