3ی نیسان/ئەپرێل (گوڵان میدیا)- به‌ ئاماده‌بوونی به‌ختیار فه‌ره‌ج به‌رێوه‌به‌ری گشتی دیوانی وه‌زاره‌تی كاروباری شه‌هیدان و ئه‌نفال كراوان و به‌رێوه‌به‌ری شه‌هیدانی كه‌ركووك و له‌ مه‌راسیمێكدا كه‌ له‌ شاری كه‌ركووك به‌رێوه‌چوو هاوكاری ته‌ندروستی به‌سه‌ر 47 له‌ كه‌س وكاری شه‌هیدانی سنووری به‌رِێوه‌به‌رایه‌تی كه‌ركووك به‌ برِی 60 ملیۆن دینار دابه‌ش كرا.

به‌رێوه‌به‌ری گشتی دیوانی وه‌زاره‌تی كاروباری شه‌هیدان و ئه‌نفالكراوان رایگه‌یاند: وه‌زاره‌تی كاروباری شه‌هیدان و ئه‌نفالكراوان به‌رده‌وام له‌ هه‌وڵی ئه‌وه‌دا بووه‌ كه‌ گوزه‌رانی كه‌سوكاری شه‌هیدان باشتر بكات.

هه‌روه‌ها گوتی: به‌ هه‌مووار كردنی یاسای ماف و ئیمتیازاتی كه‌سو كاری شه‌هیدان و ئه‌نفال كراوان كه‌ ئێستا له‌ په‌رله‌مانی كوردستانه‌ ئه‌و خزمه‌تانه‌ی كه‌ پێشكه‌ش به‌ كه‌سو كاری شه‌هیدان و ئه‌نفال كراوان ده‌كرێ هانده‌ره‌ بۆ زیاتر خزمه‌ت كردنی كه‌سو كاری شه‌هیدان به‌جۆرێ چه‌ند بابه‌تێكی گرنگ له‌به‌رچاو گیراوه‌ بۆ زیاتر خزمه‌ت كردنی كه‌س وكاری شه‌هیدان.