پەیەدە تەقەی لە هاووڵاتیانی عامودا کرد
كۆمەڵێك لە هاووڵاتیانی شاری عامودای ڕۆژاوای كوردستان، بە هۆی نەبوونی كارەباوە لە بەردەم ناوەندی كارەبای شارەكە كۆ بوونەوە و پاش 45 خولەك لە بە هێمنی دەربڕینی ناڕەزایەتییان، هەروەها پاش ئاماژەدان بە هۆكارەكانی بڕینی كارەباوە لەلایەن فەرمانبەرێكی ناوەندەكەی كارەباوە، كۆمەڵێك چەكداری سەربە پارتیی یەكێتیی دیموكرات(پەیەدە) گەییشتنە شوێنی كۆبوونەوەكە و دەستڕێژی گولـلەیان بە نێو خۆپێشاندەراندا كرد و بە هۆیەوە سێ كەس بریندار بوون.
ئەو هاووڵاتیانەی كە بریندار كران بە ناوەكانی (مستەفا سەڵاح عوبێدی، عوبێد یووسف عەنتەر و نەعیم شوەیش بوون و دەستبەجێ ڕەوانەی نەخۆشخانەی قامیشلۆ كران.
بەپێی زانیارییەكان، پاش دەستبەسەرداگرتنی كارگەی غازی تەل عەدەس و كێڵگەی ڕمێلانەوە، لەلایەن پەیەدەوە كارەبای ناوچەكە كۆنترۆڵ كراوە.
