11ی‌ ئازار/ مارس 2013 (گوڵان میدیا)- به‌مه‌به‌ستى زیاتر به‌جینۆساید ناساندنى كه‌یسى كیمیابارانى هه‌ڵه‌بجه‌برِیار وایه‌ سبه‌ی سێشه‌ممه‌ 6 له‌ شایه‌د حالی كیمبارانی هه‌ڵه‌بجه‌ی شه‌هیدان و به‌ یاوه‌ری قائیمقام و په‌رله‌مانتارێكی عێراق رۆژى سىَ شه‌ممه‌ ده‌گه‌نه‌ ویلایه‌ته‌ یه‌كگرتووه‌كانی ئه‌مریكا.

وه‌ك ئاراس عابد جێگرى سه‌رۆكى كۆمه‌ڵه‌ى قوربانیانى كیمیابارانى هه‌ڵه‌بجه‌و یه‌كێك له‌شاهید حاڵه‌كان گوتی: ئه‌نجامدانی ئه‌و سه‌ردانه‌ دوای هه‌وڵ وماندوبوونى چه‌ند كه‌سایه‌تیه‌ك و نوێنه‌رى حكومه‌تى هه‌ریمى كوردستان له‌ئه‌مه‌ریكا هاتۆته‌ دی، له‌میانی ئه‌و سه‌ردانه‌شدا شانده‌كه‌ سه‌ردانی كۆشكی سپی ده‌كه‌ن و چاویان به‌ سیناتۆر و كۆنگریسمانی ئه‌مریكا ده‌وێ و شایه‌د حاله‌كانیش چۆنیه‌تی رووداوی كیمیابارانكردنی شاری هه‌ڵه‌بجه‌ ده‌گێرنه‌وه‌ كه‌ هه‌ولێكه‌ بۆ به‌جینۆساید ناساندنى كه‌یسى كیمیابارانى هه‌ڵه‌بجه‌ بۆ به‌دیكۆمینت كردن و كاركردن له‌ زانكۆى پیربڵ.