9ی‌ ئازار/ مارس 2013 (گوڵان میدیا)- ئه‌حمه‌د نه‌جمه‌دین به‌رِێوه‌به‌ری گشتی چاكسازی كۆمه‌ڵایه‌تی له‌ وه‌زاره‌تی كاروباری كۆمه‌ڵایه‌تی به‌خه‌باتی راگه‌یاند: له‌هه‌وڵێكدا دوو تاوانبار له‌ به‌رِێوه‌به‌رایه‌تی چاكسازی ئافره‌تان و منداڵانی هه‌ولێر هه‌وڵی راكردنیان داوه‌، یه‌كێك له‌و تاوانبارانه‌ ده‌موده‌ست رێگه‌ له‌هه‌وڵه‌كه‌ی گیراوه‌و له‌هه‌وڵی راكردنیدا سه‌ركه‌وتوو نه‌بووه‌.
هه‌روه‌ها گوتی: به‌ڵام تاوانبارێكی تر كه‌ ته‌مه‌نی 16 ساڵان بووه‌و پێشتر به‌ تاوانی كوشتنی باوكی سزا دراوه‌ له‌و چاكسازییه‌ رای كردووه‌و سوودیشی له‌په‌نجه‌ره‌ی به‌رِێوه‌به‌رایه‌تیه‌كه‌ بینیوه‌، به‌ڵام دوای چه‌ند كاتژمێرێك له‌هه‌ڵاتنی ده‌ستگیر كراوه‌ته‌وه‌و لیژنه‌یه‌ك پێكهێندراوه‌ بۆ لێكۆڵینه‌وه‌ له‌چۆنیه‌تی هه‌ڵاتنی ئه‌و دوو هه‌رزه‌كاره‌.