12 شوبات / فه‌برایه‌ر 2013 (گوڵان میدیا)- دوێنێ به‌هۆی رووداوێكی ئاگركه‌وتنه‌وه‌ 15 دوكانی پێڵاو فرۆشتن له‌بازارِی مێرگه‌سۆر ده‌سووتێ، ئه‌فسه‌رێكی به‌رگری شارستانیش هێما بۆ ئه‌وه‌ ده‌كات له‌و رووداوه‌دا هیچ زیانێكی گیانی به‌دواوه‌ نه‌بووه‌.

كافی عه‌بدولقادر ئه‌فسه‌ری ژووری عه‌ملیاتی به‌رگری شارستانی هه‌ولێر راگه‌یاند: دوێنێ به‌هۆی شۆرِتی كاره‌باوه‌ رووداوێكی ئاگر كه‌وتنه‌وه‌ له‌ریزی ژماره‌یه‌ك له‌دوكانه‌كانی بازارِی هوتێل مێرگه‌سۆر له‌سه‌نته‌ری شاری هه‌ولێر كه‌وتۆته‌وه‌، دوای ئاگاداركردنه‌وه‌یان ده‌ستبه‌جێ تیمه‌كانی به‌رگری شارستانی گه‌یشتنه‌ شوێنی رووداوه‌كه‌ و كۆنترۆڵیان كردووه‌.

هه‌روه‌ها گوتی: وه‌ك له‌زانیاری و لێكۆڵینه‌وه‌ی به‌راییدا روون بۆته‌وه‌ رووداوه‌كه‌ به‌هۆی شۆرِتی كاره‌باوه‌ بووه‌ و 15 دوكان كه‌ زۆرینه‌یان پێڵاو ده‌فرۆشن سووتاوه‌، له‌و رووداوه‌دا هیچ زیانێكی گیانی به‌دواوه‌ نه‌بووه‌و ته‌نیا زیانی دارایی لێكه‌وتۆته‌وه‌.