10 شوبات / فه‌برایه‌ر 2013 (گوڵان میدیا)- له‌درێژه‌ی كارو چالاكییه‌كانیدا له‌پێناو زیاتر خزمه‌تكردن و هاوكاریكردنی خێزانی هه‌ژارو كه‌مده‌رامه‌ت و ئاواره‌و لێقه‌وماوانی لافاوه‌كانی ئه‌م دواییه‌ كه‌ هه‌رێمی كوردستانی گرته‌وه‌و به‌هۆیه‌وه‌ چه‌ندین خێزان زه‌ره‌رمه‌ندبوون، ده‌زگای خێرخوازیی بارزانی له‌ هه‌ڵمه‌تێكدا پێداویستی ناوماڵ به‌سه‌ر (22) خێزان, له‌لایه‌كی دیكه‌ش له‌ كه‌مپی دۆمێز خواردنی به‌یانیانی به‌سه‌ر (1700) خێزاندا دابه‌ش كرد.

له‌میانی ئه‌و هه‌ڵمه‌ته‌دا كه‌ له‌ گه‌رِه‌كی سه‌رهه‌ڵدان له‌دهۆك له‌نزیك رووباری هشكه‌رو به‌رٍێوه‌چوو ده‌یان خێزان به‌هۆی لافاوه‌وه‌ زه‌ره‌رمه‌ندبوون بۆ هه‌ر خێزانێك ژماره‌یه‌ك دۆشه‌ك و به‌تانیان به‌سه‌ردا دابه‌ش كرا.

له‌لایه‌كی دیكه‌و له‌درێژه‌ی چالاكییه‌كانی ده‌زگای خێرخوازیی بارزانی بۆ ئاواره‌كانی رۆژئاوای كوردستان كه‌ ئێستا له‌كامپی دۆمێز نیشته‌جێن بۆ چه‌ندین جار و به‌شێوه‌یه‌كی به‌رده‌وام هاوكاری و پێداویستی و خۆراكی به‌یانیانی به‌سه‌ر زیاتر له‌ (1700) خێزاندا دابه‌ش كرد.