9 شوبات / فه‌برایه‌ر 2013 (گوڵان میدیا)- له‌رێورِه‌سمێكدا له‌كتێبخانه‌ى گشتیى رانیه‌ به‌ئاماده‌بوونى سه‌رپه‌رشتیارى ئیداره‌ى راپه‌رِین و قائیمقامى رانیه‌و به‌رِێوه‌به‌رى به‌رِێوه‌به‌رایه‌تى گشتیى به‌ره‌نگاربوونه‌وه‌ى توندوتیژى دژ به‌ ئافره‌تان ، به‌رِێوه‌به‌رایه‌تى به‌ره‌نگاربوونه‌وه‌ى توندوتیژى دژ به‌ئافره‌تان له‌راپه‌رِین كرایه‌وه‌.

كورده‌ عومه‌ر به‌رِێوه‌به‌رى به‌رِێوه‌به‌رایه‌تى به‌ره‌نگاربوونه‌وه‌ى توندوتیژى دژ به‌ئافره‌تان رایگه‌یاند: كردنه‌وه‌ى ئه‌م به‌رِێوه‌به‌رایه‌تییه‌ له‌رانیه‌ كه‌پێشتر ته‌نها نووسینگه‌یه‌كى لێبووه‌و هه‌روه‌ها كردنه‌وه‌ى نووسینگه‌یه‌كیش له‌قه‌لاَدزىَ، نیشانه‌ى گرنگى و بایه‌خدانى وه‌زاره‌تى ناوخوَیه‌ به‌ كێشه‌ كوَمه‌لاَیه‌تییه‌كانى ئه‌م ده‌ڤه‌ره‌. هه‌روه‌ها گوتى: به‌هیواین ئه‌و به‌رِێوه‌به‌رایه‌تییه‌ بتوانێت كێشه‌ كوَمه‌لاَیه‌تییه‌كان و توندوتیژییه‌كانى دژ به‌ئافره‌تان له‌ده‌ڤه‌ره‌كه‌ كه‌م بكاته‌وه‌.