5ـی کانوونی یەکەم/دیسەمبەر(گوڵان میدیا)- حه‌سه‌ن محه‌مه‌د به‌رپرسی لیژنه‌ى چاودێری ته‌ندروستى كه‌لار و ئه‌ندامى لیژنه‌ هاوبه‌شه‌كانى قائیمقامیه‌تى كه‌لار راگه‌یاند: دوێنێ لیژنه‌كه‌یان دوو هه‌زار كارتۆن ماستى خراپ بوو له‌ناوبردووه‌ كه‌ جۆری ماسته‌كه‌ ئێرانی بووه‌.

هه‌روه‌ها گوتیشی: ئه‌و ماسته‌ نزیكه‌ى 10 ده‌ تۆن ده‌بوو، له‌لایه‌ن بازرگانێكه‌وه‌، ئاگادار كراونه‌ته‌وه‌و پێی راگه‌یاندوون كه‌ سه‌ردانى بكه‌ن و پشكنین بۆ ماسته‌كه‌ى بكه‌ن چونكه‌ گومان ده‌كات خراپ بووبن، ئه‌وانیش پاش پشكنین بۆیان ده‌ركه‌وتووه‌ كه‌ ماسته‌كان خراپ بون و بۆیه‌ ئه‌مرِۆ له‌ناویان بردووه‌، هه‌روه‌ك ده‌ستپێشخه‌ریی و هاوكاریی ئه‌و بازرگانه‌شى به‌ گرنگ زانیی و له‌و رووه‌وه‌ ده‌ستخۆشی لێكرد.