26ی تشرینی دووه‌م/نۆڤمه‌به‌ر(گوڵان میدیا)- له‌ ماوه‌ى 24 كاتژمێرى رابردوو شه‌پۆلێكى به‌فرو باران بارین ده‌ڤه‌رى باڵه‌كایه‌تى گرته‌وه‌و به‌هۆشیه‌وه‌ وێرایى بارینى به‌فرو بارانێكى زۆر هاوكات پله‌كانى گه‌رماى به‌شێوه‌یه‌كى به‌رچاو دابه‌زاندوه‌.

سلێمان عه‌بدوڵلاَ به‌رێوه‌به‌رى كشتوكاڵى چۆمان راگه‌یاند: له‌ ماوه‌ى (24) كاتژمێرى رابردوو شه‌پۆلێكى به‌فرو باران بارین ده‌ڤه‌رى باڵه‌كایه‌تى گرتۆته‌وه‌و وێراى بارینى رێژه‌یه‌كى زۆرى به‌فر له‌ چیاو كوێستان و به‌شێك له‌ گوندو ئاوایه‌كانى ناوچه‌كه‌، هاوكات 15 ملم باران له‌و 24 كاتژمێره‌دا باریوه‌و كۆى دابارینى بارانى ئه‌مساڵیش گه‌یشته‌ 157 ملم.