ئەمڕۆ لەرێورەسمێکدا و بەئامادەبونی رێکەوت حەمە رەشید وەزیری تەندروستی حکوومەتی ھەرێمی کوردستان و بەرێوەبەری گشتی فەرمانگەی تەندروستی ھەولێر و بەرێوەبەری گشتی دیوانی وەزارەتی تەندروستی سیستەمی بەئەلەکترۆنیکردنی نوسینگەی لەدایک بوان و مردوان ڕاگەیەندرا.

لەمبارەیەوە وەزیری تەندروستی بەرۆژنامەنووسانی راگەیاند: بە ئەلەکترۆنیکردنی سیستەمی ئیشکردن لەبەشی لەدایکبوان و مردوان پیادەکردنی ئەم سیستەمەش دەبێتە ھۆی نەھێشتنی کاغەز و ئاسانکردنی راییکردنی کاروباری ھاوڵاتیان کەنزیکەی تەنھا ٥خولەکی پێدەچێت و ھەروەھا ئەوکارە نایاساییانەی ھەرکەسێک بیەوێ بیکات لەم سیستەمەدا ئەتوانرێت دەستی بەسەردا بگیرێت بۆیە دەستخۆشیان لێدەکەم و داواش لە ھەردو نوسینگەی دھۆک و سلێمانی دەکەم بێن و سەردانی ئەم نوسینگەیە بکەن و بۆئەوەی نەک ھەر نوسینگەی ھەولێر بەڵکو دھۆک و سلێمانی شوێنەکانی تریش ئەم سیستەمی ئەلەکترۆنیەیان تێدا پەیرەو بکرێت.
ڕوونیشکردەوە: بری تێچوی بودجەکەشی ٢٥ ھەزار دۆلاری تێچوە شتێکی زۆر باشە و ھەڵدەدەین لەزۆربەی دامو دەزگاکاندا ئەم سیستەمی ئەلەکترۆنیە پەیرەو بکەین.