ئه‌ندازیار دڵشاد شه‌هاب ، هه‌نگاوه‌كانى كه‌مكرنه‌وه‌ى رِۆتینى له‌ وه‌زاره‌ت و داموده‌زگاكانى وه‌زاره‌ته‌كه‌ى ده‌ستپێكرد, برِیاریشیدا هه‌موو رِۆژانى سێشه‌ممه‌ خۆى سندوقى سكالاَى هاوولاَتیان بكاته‌وه‌ و وه‌لاَمى داخوازیه‌كانیان بداته‌وه‌.
ئه‌مرِۆ 30.6.2012 دڵشاد شه‌هاب وه‌زیرى شاره‌وانى وگه‌شتوگوزار له‌ پرسگه‌ى وه‌زاره‌ته‌كه‌ى گوێى له‌ كێشه‌و داخوازیه‌كانى زیاتر له‌ په‌نجا هاوولاَتى گرت , به‌شێكى زۆرى له‌و كێشانه‌ى چاره‌سه‌ر كرد و وه‌لاَمى داخوازیه‌كانیشى دایه‌وه‌, له‌ وه‌لاَمى به‌شێكى دیكه‌ى كێشه‌كان وه‌زاره‌تى شاره‌وانى رِایگه‌یاند: ئه‌و كێشانه‌ى یاسایین , یاسا رِێرِه‌وى خۆى وه‌رده‌گرىَ و چاره‌سه‌رى كێشه‌كان له‌ دادگا ده‌كرێت , بۆ ئه‌و موڵكانه‌ى كه‌ هى خه‌ڵكن و به‌ر پرۆژه‌كانى وه‌زاره‌تى شاره‌وانى ده‌كه‌ون , وه‌زیرى شاره‌وانى گووتى: له‌ ته‌واوى شارو شارۆچه‌كانى كوردستان , له‌ ته‌واوى ئه‌و شوێنانه‌ى شاره‌وانى هه‌یه‌ , لیژنه‌ى قه‌ره‌بووكردنه‌وه‌ پێكهاتووه‌ , هه‌موو ئه‌و هاوولاَتیانه‌ى موڵكیان به‌ر پرۆژه‌كانى وه‌زاره‌تى شاره‌وانى ده‌كه‌وىَ قه‌ره‌بوو ده‌كرێنه‌وه‌.
له‌ باره‌ى دامه‌زراندنى نوێشه‌وه‌ , دڵشاد شه‌هاب - وه‌زیرى شاره‌وانى ئاشكراى كرد : له‌ به‌راییدا پرسى فه‌رمانبه‌ره‌ گرێبه‌سته‌كان یه‌كلایى ده‌كه‌ینه‌وه‌ و هه‌وڵ ده‌ده‌ین بیانكه‌ین به‌ فه‌رمانبه‌رى رِه‌سمى , دواتر به‌ پێى پێویست خه‌ڵكى دیكه‌ داده‌مه‌زرێنین .