عیماد ئەحمەد: راستی و مێژوو و مادەی 140 ناسنامەی كەركووك دیاری دەكەن
سەردانەكەی جێگری سەرۆكی حكوومەتی هەرێم كە 9 وەزیری هەرێمە هاوڕێیەتیان دەكرد، دوای سەردانی دوێنێی نووری مالیكی سەرۆك وەزیرانی عێراق هات و چاودێران پێیان وایە ئەو دوو سەردانە سیاسییە لە دوای یەك بۆ ئاڵۆزی پێوەندییەكانی نێوان هەرێمەكە و بەغدا دەگەڕێتەوە.
عیماد ئەحمەد جێگری سەرۆك وەزیرانی هەرێم دوای كۆبوونەوەی لەگەڵ پارێزگەر ئەنجوومەنی پارێزگەی كەركووك بەبەێ بارستەی عەرەبی، چاوی كەوت بە بەڕێوەبەرى فەرمانگەكانى كەركووك و لە كێشە و گرفتەكانى كۆڵینەوە.
عیماد ئەحمەد بە رۆژنامەنووسانی راگەیاند، سەردانەكەمان بۆ كەركووك لەوەدا بووە كە شارى كەركووك بەشێكى دانەبڕاوی هەرێمى كوردستانە، بۆیە ئێمە ئەركى خۆمانە خزمەتى ئەو بكەین و بەردەوامیش دەبین بۆ چارەسەركردنى ئەو كێش و گرفتانەى كە دێنە سەر ڕێگە لە بەردەم ئەم شارە.
ئەحمەد دووپاتی كردەوە كە سەردانەكەیان بۆ كەركووك هیچ پێوەندى بە سەردانى دوێنێی سەرۆك وەزیرانى عێراقەوە نییە، \"شارى كەركووك و ناوچە دابڕاوەكان بەشێكى دانەبراِوی هەرێمى كوردستانن\"".
لە بارەى ناسنامەیی كەركووكەوە جێگرى سەرۆكى حكوومەتى هەرێم گوتى \""ئێمە پابەندى دەستوورین ناسنامەى ئێمە هەرێمى كوردستانە، شارى كەركووكیش مێژوو و راستییەكان و مادەى 140 ناسنامەكەى دیارى دەكەن.
ئەم لێدوانە لە كاتێكدایە كە ئەمڕۆ گۆتیارێك بەناوی سەرۆكایەتیی هەرێمی كوردستان دووپاتی كردەوە كە \""كەركووك شارێكی عێراقییە و ناسنامەكەی كوردستانییە\""، ئەوەیش لە وەڵامی لێدوانێكی نووری مالیكی سەرۆك وەزیرانی عێراق كە دوێنێ گوتی \""كەركووك ناسنامەكەی عێراقییە\""."
