له‌دوای پرۆسه‌ی ئازادیی عێراق، له‌لایه‌ن وه‌زاره‌تی په‌روه‌رده‌ی حکومه‌تی ناوه‌نده‌وه‌ به‌شی زمانی کوردی له په‌روه‌رده‌کانی که‌رکوک و ناوچه دابڕێندراوه‌کان کرده‌وه‌ و ئیستاش به‌هۆی زۆریی رێژه‌ی قوتابیانی قوتابخانه‌کان، داوا له وه‌زاره‌تی په‌روه‌رده‌ی عێراق کراوه‌، په‌روه‌رده‌یه‌کی گشتی بۆ زمانی کوردی له که‌رکوک بکاته‌وه‌ به‌ڵام ئه‌م وه‌زاره‌ته ناوبراو ئاماده نییه‌ بۆ زمانی کوردی په‌روه‌رده‌ی تایبه‌ت دامه‌زرێنێت، چونکه‌ پَیان وایه‌ ده‌بێت به‌رپرسانی پارێزگا یان په‌روه‌رده‌ی گشتیی که‌رکوک ئه‌و داوایه‌ ئاراسته‌ی وه‌زاره‌ت بکه‌ن.

له‌مباره‌وه‌ \"حوسێن جاف\"" به‌ڕێوبه‌ری گشتیی زمانه‌کان له وه‌زاره‌تی په‌روه‌رده‌ی عێراق، به ئاژانسی په‌یامنێری راگه‌یاند: ماوه‌یه‌کی زۆره‌ به‌فه‌رمی داوای کردنه‌وه‌ی په‌روه‌رده‌ی گشتیی کوردی بۆ شاری که‌رکوک کراوه، به‌ڵام وه‌زاره‌تی ناوبراو رازی نییه.

حوسێن جاف گوتیشی: \""ئه‌و داوایه‌ ده‌بێت په‌روه‌رده‌ی به‌شی کوردی له شاری که‌رکوک یان ئیداره‌ی پارێزگا به نووسراوی فه‌رمی ئاراسته‌ی وه‌زاره‌تی په‌روه‌رده‌ی بکه‌ن تاکو بڕیاری له‌سه‌ر بدرێت.\""


به‌ڕێوبه‌ری گشتیی زمانه‌کان له وه‌زاره‌تی په‌روه‌رده ئاماژه‌ی بۆ ئه‌وش دا: وه‌زاره‌تی په‌روه‌رده‌ی عێراق په‌روه‌رده‌ی دووی بۆ هه‌ریه‌که‌ له پارێزگاکانی نه‌ینه‌وا و ناسریه و به‌سره‌ کردۆته‌وه‌ به‌ڵام بۆ په‌روه‌رده‌ی دوو بۆ زمانی کوردی له که‌رکوک تائیستا هیچ هه‌ڵوێستێک دیارنییه‌ و که‌مته‌رخه‌می ئیداره‌ی پارێزگا، به‌رپرسانی به‌شی کوردیی شاره‌که‌ن."