ئه‌مڕۆ 23/4 كۆسره‌ت ره‌سوڵ عه‌لی جێگری سه‌رۆكی هه‌رێمی كوردستان ، به‌مه‌به‌ستی پیرۆزبایی كردن له‌ كابینه‌ی نوێ‌ ، سه‌ردانی سه‌رۆكایه‌تی ئه‌نجومه‌نی وه‌زیرانی كرد و له‌لایه‌ن به‌ڕێزان نێچیرڤان بارزانی سه‌رۆكی حكومه‌تی هه‌رێم و عیماد ئه‌حمه‌د جێگری سه‌رۆكی حكومه‌ته‌وه‌ به‌گه‌رمی پێشوازیكرا .

له‌ دیدارێكدا جێگری سه‌رۆكی هه‌رێم پیرۆزبای ده‌ست به‌كار بوونی كابینه‌ی حه‌وته‌می له‌ سه‌رۆك و جێگری سه‌رۆكی حكومه‌ت كرد و هیوای خواست سه‌ركه‌وتوو بن له‌ جێ‌ به‌جێ‌ كردنی به‌رنامه‌ی كاری كابینه‌كه‌یاندا و پشتیوانی سه‌رۆكایه‌تی هه‌رێمیشی بۆ دوپات كردنه‌وه‌ .

لای خۆشیانه‌وه‌ سه‌رۆكی حكومه‌تی هه‌رێم به‌ناوی ئه‌نجومه‌نی وه‌زیرانه‌وه‌ سوپاسی جێگری سه‌رۆكی هه‌رێم یان كرد بۆ پیرۆزبای و سه‌ردانه‌كه‌ی و پێكه‌وه‌ گفتوگۆیان له‌باره‌ی كارنامه‌ی حكومه‌ت و چۆنیه‌تی رێكخستنی په‌یوه‌ندی نێوان هه‌ر سێ‌ سه‌رۆكایه‌تییه‌كه‌یان كرد و ته‌ئكیدیان كرده‌وه‌ به‌ هه‌موو توانایانه‌وه‌ كار بۆ جێ‌ به‌جێ‌ كردنی به‌رنامه‌ی كاری حكومه‌ت ده‌كه‌ن.