شیلان خانه‌قا سه‌رپه‌رشتیارى نووسینگه‌ى نوێنه‌رایه‌تى بازرگانى هه‌رێمى كوردستان له‌ ئیماراتى عه‌ره‌بی، رای گه‌یاند هه‌رێمی كوردستان به‌شداری له‌ كۆرِبه‌ندی وه‌به‌رهێنانی جیهانی ده‌كات.


شیلان خانه‌قا له‌ كۆنگره‌یه‌كی رۆژنامه‌وانیدا، رایگه‌یاند "له‌ رۆژی یه‌كی ئایاری ئه‌مساڵ بۆ ماوه‌ی 4 رۆژ له‌ ئیماراتى یه‌كگرتووى عه‌ره‌بی كۆبه‌ندێكى بازرگانى و وه‌به‌رهێنانى جیهانى به‌رێوه‌ ده‌چێت".

روونیشیكرده‌وه‌ "له‌و كۆرِبه‌نده‌دا 75 وڵات به‌شدارى تێدا ده‌كه‌ن له‌سه‌ر ئاستى سیاسی و ئابوورى و وه‌به‌رهێنان و كه‌رتى تایبه‌تدا".

ئاماژه‌ی به‌وه‌شدا "هه‌رێمى كوردستانی له‌ رێگه‌ى وه‌زاره‌تى بازرگانى ده‌ره‌وه‌ى ئیماراتى عه‌ره‌بییه‌وه‌ داوه‌تنامه‌ى فه‌رمى پێگه‌یشتووه‌ و نووسینگه‌ى نوێنه‌رایه‌تى بازرگانى هه‌رێمى كوردستان له‌ ئیمارات به‌و ئه‌ركه‌ هه‌ڵده‌ستێت و ده‌ست ده‌كات به‌ رێكخستن و رێنوێنى كردنى ئه‌و وه‌فده‌.

وتیشی" به‌هۆی ئه‌وه‌ى هه‌رێمى كوردستان هه‌نگاو به‌ره‌و كرانه‌وه‌ى وه‌به‌رهێناو ئابوورى و بازرگانى ده‌نێت بۆیه‌ به‌ گرنگه‌وه‌ ده‌رِوانرێته‌ هه‌رێمى كوردستان و به‌ فه‌رمى داوه‌تى ئه‌و وه‌فده‌ى كوردستان كراوه‌ بۆ به‌شداریكردن له‌و كۆبه‌نده‌ى وه‌به‌رهێنانه‌دا".