سهرۆك بارزانی پهیامێكی پیرۆزبایی ئاراستهی ههردوو مهكتهبی سكرتاریهتی (ی.ق.ك) و (ی.ل.د.ك) كرد
ب ناڤێ خودێ مهزن و دلۆڤان؛ خوشك و برایێن خۆشتڤى ل ههردوو مهكتهبێن سهكهرتهریێ یێن یهكێتیا لاوێن دهمۆكراتا كوردستان و یهكێتیا قوتابى یێن كوردستانێ سڵاڤهكه گهرم پێشكێشى وه دكم.
پیرۆزباهى یێن ههرى جوان ل وه و ههموو خویشك و برایێن ئهندام یێن قوتابى و لاوێن كوردستانێ دكم ب ههلكهتنا پێنجى و نهههم سالڤهگهرا دامهزراندنا ههردوو رێخستى یێن وه یێن تهكۆشهر كو نوونهریا تهخهكه گرینگ و زیندى یا گهلێ كوردستانێ دكن و د چاخهكه ههرى سهخت و دژوار یا خهبتینێ ده كهتنه قادێ و ههر ل وێ رۆژێ ژى ڤه ب تایبهت د پێخستنیا شۆرهشان ده گهلێ مه ههرتم ب پشت گرێدان ب ڤان دوو تهخان دهست ئاڤێتیه خهبتینێ و نها ژى وهكه چهوا د رێزا پێشیێ یا خهبتینێ ده بوون ب ههمان خورتیا جاران و حهماسهتا شۆرهشگیریا كو هون پێ هاتنه ناسین؛ خهون و هیڤى یێن گهل و نیشتمان و ههموو قوتابى و لاوێن كوردستانێ ب هاریكاریا ههموو رێخستى یێن قوتابى و خوهندهكارى و گهنج و لاوان پێكبینن.
دیرۆكا ڤان دوو رێخستیان دیرۆكهكه پر ژ سهرفهرازى و بهرخوهدان و بهرگریى بوویه لهورا ئیرۆ جهێ شانازیا ههموو گهلێ كوردستانێ نه و ب راستى دوو قوتابخانه یێن شۆرهگێر و تهكۆشین و پێگههاندنا كادرۆ و سهركردێن خوهدى كارین بوونه ژبۆ تهڤگهرا رزگاریخوازا گهلێ كوردستانێ كو ئیرۆ ژبۆ پێگههاندنا كادرۆیان د وارێ دهستهلات و برێڤهبرنا كاران ده دخهبتن؛ لهورا دڤێ ژبۆ پێكانینا ڤێ ئارمانجێ ههردوو رێخستى ب پلان و پرۆگرامێن بێتر و ههرى مۆدهرن كارێ پیشهیى و سڤیلێن خوه بكن و تهڤى بهرگریكرن ل مافێن لاو و قوتابیان؛ ههروهها بهرگریكارێن خورت یێن ههموو بدهستخستى یێن گهلێ مه بن كو ب خوینا ههموو شههیدان و خهبتین و قوربانیدان و هێسرێن دایكان هاتنه بدهستخستن.
د ههمبهر ده دڤێ هوكوومهتا ههرێما كوردستانێ ژیانهكه ئازاد و دهرفهتا ههرى باش یا خواندن و ژیانێ ژبۆ وانا گارانتى بكه و دڤێ ههوجهیى و خوهستهكێن وان پێكبینه.
جار دن پێنجى و نهههم مۆما خهبتینا وه پیرۆز دكم و ئهز پشتراستم ب ههمان جانێ جاران وهكه دوو بیرهاتنێن مهزن یێن بارزانیێ نهمر ههر دێ وهكه سهرێ رم و شورهیا پۆلایین بمینن و ب چهكێن زانست و مۆدهرن د قادا پیشهیى و دهمۆكراسیێ ده دێ رۆلا بهربچاڤ و ئهرێنیا خوه بلیزن.
ههر شا و سهرفهراز بن.
مهسعود بارزانى؛
17ى شۆباتى 2012
