ئێواره‌ی ئه‌مڕۆ 25/12 له‌سه‌ر رێگای به‌غدا له‌شاری كه‌ركوك بۆمبێكی لكێندراو به‌ ئۆتۆمبێلێكی جۆری پیكابدا ته‌قییه‌وه‌.
سه‌رچاوه‌یه‌ك له‌ پۆلیسی كه‌ركوك به‌ PUKmedia ی راگه‌یاند: بۆمبه‌كه‌ به‌ ئۆتۆمبێلی پزیشكی ڤێتێرنه‌ری عه‌بدول شه‌ماڵ حه‌سون دا ته‌قیوه‌ته‌وه‌ و زیانی گیانی لێ نه‌كه‌وتۆته‌وه‌.
سه‌رچاوه‌كه‌ وتیشی: ماوه‌یه‌كه‌ له‌ شاری كه‌ركوك تیرۆریستان له‌ڕێگه‌ی بۆمبی لكێندراو و موگناتیسییه‌وه‌ كرده‌وه‌ تیرۆریستییه‌كانیان دژی كارمه‌ندان و كاربه‌ده‌ستانی حكومی ئه‌نجام ده‌ده‌ن.