له‌ به‌رده‌وامی سه‌ردانه‌كه‌ی بۆ توركیا ، ئه‌مرۆ له‌ نووسینگه‌ی كۆماری له‌ ئه‌سته‌نبۆل، عه‌بدوڵڵا گویل سه‌رۆك كۆماری توركیا پێشوازی كرد له‌ به‌رێز مه‌سعود بارزانی سه‌رۆكی هه‌رێمی كوردستان و له‌ دیدارێكدا هه‌ردوو سه‌رۆك بارودۆخی ناوچه‌كه‌و گۆڕانكارییه‌كانیان شیكرده‌وه‌ .

سه‌باره‌ت به‌ عێراقیش باس له ‌پێشكه‌وتن و په‌ره‌سه‌ندنه‌ سیاسییه‌كان و پرۆسه‌ی دیموكراسی كرا.

هه‌روه‌ها ته‌ئكید له‌ بایه‌خ و گرنگی سه‌رخستنی پرۆسه‌ی دیموكراسی له‌ وڵاته‌كه‌ كرایه‌وه‌.

هه‌ر له‌ دیداره‌كه‌دا په‌یوه‌ندییه‌كانی نێوان هه‌رێمی كوردستان و توركیاو گرنگی پێشخستنی ئه‌م په‌یوه‌ندیانه‌ و چاره‌سه‌ری هه‌ر كێشه‌و گرفتێكیش له‌سه‌ر بنه‌مای ئاشتی و دیاڵۆگ ته‌ئكیدی لێكرایه‌وه‌.