بۆپێداوچونه‌وه‌ به‌ سیسته‌می فریاكه‌وتنی خێرا بۆحاله‌ته‌كانی له‌ناكاو خێرا له‌شاری هه‌ولێر و ده‌وروبه‌ری ئه‌مرۆ 10-10-2011 د.تاهیر هه‌ورامی وه‌زیری ته‌ندروستی له‌گه‌ڵ به‌رێوه‌به‌ری گشتی فه‌رمانگه‌ی ته‌ندروستی هه‌ولێر و به‌رێوه‌به‌ری نه‌خۆشخانه‌كانی شاری هه‌ولێر كۆبووه‌.

له‌سه‌ره‌تای كۆبونه‌وه‌كه‌ د.تاهیر هه‌ورامی وه‌زیری ته‌ندروستی باسی له‌ گرنگی سیسته‌می فریاكه‌وتنی خێرا كرد كه‌ له‌داهاتوو ده‌كه‌وێته‌ كار و هاوڵاتیان له‌كاتی پێویست ده‌توانن له‌رێگه‌ی ژماره‌یه‌كی تایبه‌ته‌وه‌ له‌ هه‌رشوێنێكی سنوری پاریزگای هه‌ولێربن له‌كاتی تووشی بونیان به‌ هه‌ر ڕووداوێكی پزیشكی له‌ناكاو په‌یوه‌ندی به‌و ژماره‌یه‌ بكه‌ن و داوای ئۆتۆمبیڵی فریاكه‌وتن بكه‌ن كه‌ پزیشك و كارمه‌ندی راهێندراوی له‌گه‌ڵدایه‌ به‌مه‌به‌ستی ئه‌نجامدانی كاری پێویست و چاره‌سه‌ركردنی سه‌ره‌تایی و گواستنه‌وه‌ی بۆنه‌خۆشخانه‌كان.

به‌ڕێزیان ووتی ئه‌م كاره‌ ڕاسته‌وخۆ له‌لایه‌ن به‌شی كرده‌ پزیشكیه‌كان سه‌رپه‌رشتی ده‌كرێت به‌مه‌به‌ستی رێكخستنی ئه‌ركه‌كانیان و زیاتر كاراكرنی ئه‌و خزمه‌ت گوزاریه‌ بۆئه‌وه‌ی هاوڵاتیان سوودی لێوه‌ربگرن.