(بارزانی نه‌مر) باوكی رووحی نه‌ته‌وه‌یی كورد فه‌رمویه‌تی :"شانازییه‌ بۆ مرۆڤ خزمه‌تكاری میلله‌ته‌كه‌ی خۆی بێت". به‌كرده‌وه‌ له‌ پێناو نه‌ته‌وه‌كه‌ی قوربانی گه‌وره‌ی داوه‌، له‌هه‌مانكاتدا هه‌میشه‌ خولیا و ئاره‌زووی ئه‌وه‌ بووه‌ خزمه‌تكاری گه‌له‌كه‌ی بێت و تا دوا دڵۆپه‌ خوێنی پیرۆزی كۆڵی نه‌داوه‌ له‌ قوربانی و به‌رخودان، سه‌ره‌ڕای ئه‌وه‌ی داكۆكیكاری سه‌رسه‌ختی مافه‌ ڕه‌واكانی گه‌لی كوردستان بووه‌، لە ئیستادا ئه‌بینین نه‌وه‌كانی بارزان هه‌میشه‌ له‌سه‌ر ڕێبازه‌ پیرۆزه‌كه‌ی به‌رده‌وامن و سڵیان نه‌كردۆته‌ووه‌ له‌و په‌یامه‌ پیرۆز و نه‌مره‌دا، هەر لەم سۆنگەیەوە پاڵپشت به‌و نیه‌ت و ئامانجه‌ی بارزانی باوك هه‌یبووه‌ ڕۆڵه‌كانی ئه‌و سه‌ركرده‌ رووحیه‌ درك به‌ پێویستیه‌كی پڕ بایه‌خ و ناوازه‌ ده‌كه‌ن و دەست دەکەن به‌ كاركردن بۆ دروستكردنی ده‌زگایه‌كی خێری به‌ناوی ده‌زگای خێرخوازی بارزانی تاوه‌كو درێژه‌ پێده‌ری ئه‌و خزمه‌ت و به‌خششانه‌ بن كه‌ (بارزانی نه‌مر) كردوویه‌تی.
له‌ماوه‌ی دامه‌زراندنی ده‌زگای خێرخوازی بارزانی وه‌ك ده‌زگایه‌كی پڕ كاریگه‌ر و گرینگ تا ئه‌مرۆ خزمه‌تی گه‌وره‌ی به‌ سه‌رجه‌م چین توێژه‌كانی كۆمه‌ڵگه‌ی كوردستانی كردووه‌ ئه‌وه‌ له‌كاتێك دا هاوكاری و خزمه‌تی خه‌ڵكی غه‌یره‌ كوردیشی كردوه‌ وه‌ك ئاواره‌ و لێقه‌وماوانی نه‌ته‌وه‌ی عه‌ره‌ب و نه‌ته‌وه‌كانی تر كه‌ ئه‌مه‌ خۆی له‌ خۆیدا ئه‌و خواسته‌ بووه‌ كه‌ (بارزانی نه‌مر) هه‌ی بوون، چونكه‌ له‌ دیدی بارزانی نه‌مردا مرۆڤایه‌تی پێش هه‌موو شتێكه‌ و مرۆڤ بوون گه‌وره‌ترین ڕه‌گه‌زی ژیانی مرۆڤه‌كانه‌، بۆیه‌ ده‌بێت به‌ كرده‌وه‌ بسه‌لمێنین مرۆڤین و پاسه‌وانی ئه‌و ئامانجانه‌ بین كه‌ مرۆڤایه‌تی ده‌پارێزن (ده‌زگای خێرخوازی بارزانی) ش له‌ چوارچێوه‌ی ئه‌و بیردۆزانه‌ هاتۆته‌دی.
لە یادی چوارده‌ ساڵه‌ی دامەزراندنی ده‌زگای خێرخوازی بارزانی پڕ بێت له‌ چالاكی گه‌وره‌تر و به‌رزتر، چونكه‌ كۆششه‌كانی ئه‌و ده‌زگایه‌ پیرۆزه‌ هه‌مان ئه‌و مه‌به‌ست و خواستانه‌ن كه‌ (بارزانی نه‌مر) هه‌یبوون و له‌ پێناوی دا ژیاوه‌ و قوربانی داوه‌.