بڕیاردەری لێژنەی قەیرانەکانی پەرلەمانی عێراق داوا دەکا دوو هەفتەی دیکە بە رۆژانی جەژنی رەمەزانیشەوە، هاتوچۆ قەدەغە بکرێت.

ئەمڕۆ شەممە 9-5-2020، جەواد موسەوی، بڕیاردەری لێژنەی قەیرانەکانی پەرلەمانی عێراق لە بەیاننامەیەکدا رایگەیاندووە، هاووڵاتییان پابەدنی رێنماییە پزیشکییەکان نەبوون و تێکەڵاوییەکی زۆر پەیدا بووە.

جەواد موسەوی داوای کردووە لە 10 رۆژی کۆتایی مانگی رەمەزان (مانگی رۆژووی مسوڵمانان) و رۆژانی جەژنی رەمەزان جارێکی دیکە قەدەغەی هاتوچۆ راگەیەندرێتەوە.

بەهۆی بڵاوبوونەوەی پەتای کۆرۆنا، حکوومەتی عێراق لە مانگی 4ـیئەمساڵ قەدەغەی هاتوچۆی لە شارەکانی وڵاتەکەی راگەیاندبوو.

تا ئێستا دوو هەزار و 212 کەس لە عێراق تووشی پەتای کۆرۆنا بوون و لەو ژمارەیەشدا، 99 کەس گیانیان لەدەست داوە.










باسنيوز