جگه‌ له‌وه‌ی ده‌یان پرۆژه‌ی دیکه‌ش له‌ کاردان، به‌ڵام حکومه‌تی عێراق و به‌رنامه‌ی په‌ره‌پێدانی نه‌ته‌وه‌ یه‌کگرتووه‌کان ڕێککه‌وتن که‌ ئه‌و ٢٠٢ پرۆژه‌یه‌ ده‌ست به‌ کاره‌کانیان بکرێت که‌ به‌ ئامانجی دووباره‌ ئارامکردنه‌وه‌ی موسڵ داڕێژراون.

ئه‌و پرۆژانه‌، پرۆژه‌ی چاککردنه‌وه‌ی تۆڕی ئاو و ئاوه‌ڕۆ و کاره‌با و دووباره‌ ڕێکخستنه‌وه‌ی که‌رتی خوێندن و په‌روه‌رده‌ و به‌هێزکردنی ئابووری ناوخۆیی و به‌کار خستنی گه‌نجان و چاککردنه‌وه‌ی هاتووچۆ و بووژاندنه‌وه‌ی گه‌ڕه‌که‌کانی شاره‌کە.

نوێنه‌رتی یوئێن دی پی له‌ عێراق، لیس گراند ڕایگه‌یاند" ئێستا دوای ئه‌وه‌ی ده‌ستپێکردنی جێبه‌جێکردنی ئه‌و پرۆژانه‌ ڕاگه‌یه‌نران ده‌ستمان کراوه‌یه‌ بۆ ئه‌وه‌ی هه‌نگاو بهاوێژین و له‌ کاتی خۆیدایه‌."

پرۆژه‌کان، له ‌سه‌ره‌تادا له‌لایه‌ن به‌ڕیووه‌به‌رایه‌تییه‌کانی ئه‌و که‌رتانه‌وه‌ له‌ شاره‌که‌ ئاماده‌ کراون به‌ هاوکاری پرۆگرامی سه‌قامگیرکردنه‌وه‌.
PAYAMNER -