نه‌ته‌وه‌ یه‌كگرتووه‌كان رایگه‌یاند، نزیكه‌ی 400 هه‌زار هاوڵاتی له‌ شارۆچكه‌یه‌كی كۆن له‌ شاری موسڵ گیریان خواردووه‌، كه‌ له‌ ئێستادا هێزه‌كانی حكومه‌تی سه‌رقاڵی رزگاركردنی ئه‌و ناوچه‌یه‌ن.

له‌وه‌ته‌ی هێزه‌كانی حكومه‌ت ده‌ستیان كردوه‌ به‌ رزگاركردنی به‌ری راستی موسڵ، نزیكه‌ی 160 هه‌زار كه‌س جێگایان بۆ كراوه‌ته‌وه‌.

باس له‌وه‌ ده‌كرێت، ترس و دڵه‌ڕاوكێ له‌لای خه‌ڵكی ئه‌و ناوچه‌یه‌ به‌هۆی نه‌بوونی خۆراكه‌وه‌ دروست بووه‌.

ده‌ستپێكردنی پرۆسه‌ی سه‌ربازی بۆ رزگاركردنی به‌ری راستی شاره‌كه‌ دوو مانگی تێپه‌ڕاند، له‌ ئێستا چاوخراوه‌ته‌ سه‌ر شاری كۆن و مزگه‌وتی گه‌وره‌ی "نور" كه‌ ئه‌بوبه‌كر به‌غدادی له‌ 2014 خه‌لافه‌ته‌كه‌ی راگه‌یاند، بۆ ئه‌وه‌ی رزگار بكرێت.

پرۆسه‌ی رزگاركردنی به‌ری راست، به‌هۆی ئه‌وه‌ی دانیشتوانێكی چڕی هه‌یه‌ و كۆڵانه‌كانی ته‌سكن و خانووه‌كان نزیكن له‌یه‌ك بۆیه‌ به‌زۆر قورستر له‌ پرۆسه‌ی رزگاركردنی به‌ری چه‌پ داده‌نرێت.
payamner-