ئەندامێکی ئەنجومەنی نوێنەرانی عێراق، پێی وایە، تا هێوربوونەوەی خۆپیشاندانەكانی بەغدا پێشبینی دەكرێت هیچ دانیشتنێكی ئەنجومەنی نوێنەران بەڕێوە نەچێت.



سۆزان بەكر، ئەندامی ئەنجومەنی نوێنەرانی عێراق بە (باسنیوز)ی ڕاگەیاند: "پێشبینی دەكرێت دانیشتنی سبەینێ دووشەممە 13/2/2017ی ئەنجومەنی نوێنەرانی عێراق بەهۆی كەمیی نیسابی ئەندامانی ئەنجومەنی نوێنەرانەوە دوا بخرێت بۆ دووشەممەی داهاتوو، هەروەها پێشبینی دەكرێت تا هێوربوونەوەی خۆپیشاندانەكانی ناوچەی سەوز هیچ دانیشتنێكی ئەنجومەنی نوێنەران ئەنجام نەدرێت".



گوتیشی: "جگە لە 5 ئەندامی ئەنجومەنی نوێنەرانی عێراق كە بەهۆی تەواونەبوونی ئیشەكانیان لە بەغدا ماونەتەوە، سەرجەم ئەندامە كوردەكانی دیكە گەڕاونەتەوە بۆ هەرێمی كوردستان، بەڵام ڕۆژی دووشەممەش13/2/2017 ئەگەر كۆبوونەوەكانی ئەنجومەنی نوێنەران بەڕێوە نەچێت، ئەوا ئەوانیش دەگەڕێنەوە هەرێمی كوردستان".
bas news -