وەزارەتى بەرگرى ئەمریکا ڕایگەیاند بەپێى ئەنجامى پشکنین و بەدواداچوونەکانیان چەکدارانى داعش تاقیگەکانى زانکۆى موسڵیان لە عێراق بەکارهێناوە بۆئەوەى چەکى کیمیایى تێدا بەرهەم بهێنن و هەوڵیانداوە گازى خەردەل بەرهەم بهێننن.

جێف دەیڤس گوتەبێژ بەناوى پنتاگۆنەوە ڕایگەیاند: بەپێى پشکنینى چەند نمونەیەک کە لە زانکۆکەدا وەرگیراوە ئەوە دەرکەوتووە کە چەکدارانى داعش تاقیگەکانى زانکۆى موسڵیان بەکارهێناوە بۆ بەرهەمهێنانى گازى خەردەل.

گوتەبێژەکەى پنتاگۆن ڕایگەیاندووە، کە ئەوەى چەکدارانى داعش بەرهەمیان هێناوە گازى خەردەل نەبووە بەڵام ئەو ماددەیەى بەرهەمیان هێناوە دەبێتەهۆى خورانى پێست.

هەروەها دەیڤس ئاشكراشی كردووه‌: هیچ بەڵگەیەکمان لەبەردەستدا نییە کە ئەو چەکە کیمیاییەى داعش بەرهەمى هێناوە بووبێتە هۆى کوژرانى هیچ کەسێک.

گوتەبێژەکەى پنتاگۆن ئه‌وه‌شی گووت: زانکۆى موسڵ ناوەندێکى سەرەکى بووە بۆ دروستکردنى چەکى کیمیایى لەلایەن داعشەوە.











ZNA