حه‌یده‌ر عه‌بادی سه‌رۆک وه‌زیرانی عێراق له‌ کۆنفرانسی ڕۆژنامه‌وانیی هه‌فتانه‌دا، داوای له‌ په‌رله‌مان کرد ڕۆڵی خۆی ببینێت له‌ هه‌ڵوه‌شاندنه‌وه‌ی کۆمسیۆنی سەربەخۆی هەڵبژاردنەکانی ئێستا و پێکهێنانی کۆمسیۆنێکی دیکه‌.

عه‌بادی داوای له‌ په‌رله‌مان کرد ئه‌و کۆمسیۆنه‌ حزبییه‌ هه‌ڵبوه‌شێنێته‌وه‌ و کۆمسیۆنێکی سه‌ربه‌خۆ پێک بهێنێت.

ئه‌م داوایه‌ی سەرۆک وەزیرانی عێراق له‌ کاتێکدایه‌ چه‌ندین خۆپیشاندانی ناڕه‌زایی به‌ڕێوه‌چوون بۆ پێکهێنانی کۆمسیۆنێکی دیکه‌ی هه‌ڵبژاردن و خۆپیشانده‌ران ئه‌م کۆمسیۆنه‌ی ئێستایان به‌ ئۆرگانێکی حزبی تۆمه‌تبارکرد.

هه‌روه‌ها به‌ پێی دوا ئه‌نجامه‌کان هاووڵاتییانی به‌غدا زۆر به‌ کەمی ده‌چن بۆ نوێکردنه‌وه‌ی تۆماری بایۆمه‌تری بنکەکانی هەڵبژاردن و بڕوایان به‌ هه‌ڵبژاردن نییه‌.








ZNA