دواى نەمانى دەسەڵاتى داعش لە شارۆچکەى تلکێف وه‌ده‌ر‌نانیان، دانیشتووانى ئاوارەبووى شارۆچکەکە دەستیان بە گەڕانەوە کرد بۆ سەر زێدى خۆیان، هاووڵاتییان ده‌گه‌ڕێنه‌وه‌ سەر ماڵ و حاڵێکى خاپوور كراو، ئەوان هەوڵدەدەن خۆیان لەگەڵ خانووە رووخاوەکان و باخچە سووتاوەکان بگونجێنن تاوەکو ژیانێکى ئاسایی بۆخۆیان بگەڕێننەوە.

هەزاران هاووڵاتى گەڕاوە لە شارۆچکەى تلکێف پشتیان بە بیرە ئاوێک بەستووە و کۆمەڵ کۆمەڵ دانیشتووانى شارەکە روو لەو بیرە دەکەن بۆ ئەوەى ئاوی لێ دەربهێنن بۆ خواردنەوە و خۆشوشتن و تەواوى پێداویستییەکانى دیکە بەکاریبهێنن، کەسێک یان دوو کەس لە خانەوادەیەک نۆرە دەگرن بۆ ئەوەى چەند تەنەکەیەک ئاو بۆ ماڵەوەیان ببەنەوە
payamner -