وه‌زیری گه‌شه‌پێدانی نێوده‌وڵه‌تیی به‌ریتانیا ڕایده‌گه‌یه‌نێت که‌ به‌ریتانیا یه‌که‌م وڵات بووه‌ پێداویستیی سه‌ره‌کیی مرۆیی گه‌یاندووه‌ته‌ ئاواره‌کانی موسڵ و بە بۆنه‌ی ١٠٠ ڕۆژی ده‌ستپێکردنی ئۆپه‌راسیۆنی ئازادیی موسڵدا ڕایده‌گه‌یه‌نێت که‌ تا کۆتایی له‌گه‌ڵ خه‌ڵکی لێقه‌وماوی شاره‌که‌دا ده‌بن.


هۆن پریتی پاتێل، وه‌زیری گه‌شه‌پێدانی نێوده‌وڵه‌تیی به‌ریتانیا له‌ به‌یاننامه‌یه‌کدا ڕایگه‌یاند بە بۆنه‌ی سه‌د ڕۆژه‌ی ده‌ستپێکردنی ئۆپه‌راسیۆنی ئازادیی موسڵ له‌ده‌ستی داعش، شانازی ده‌که‌ین که‌ یه‌که‌م وڵات بووین پێداویستیی سه‌ره‌کیی مرۆییمان گه‌یانده‌ ئاواره‌کانی موسڵ. لەو ڕووەوە وه‌زیری گه‌شه‌پێدانی نێوده‌وڵه‌تیی به‌ریتانیا داوای له‌ کارمه‌ندانی فریاگوزاریی کرد ڕێگا بدۆزنه‌وه‌ بۆ هاوکاریکردنی ٧٥٠ هه‌زار هاووڵاتی که‌ تا ێستا له‌ ژێرده‌ستی داعشن له‌ موسڵ و هه‌ر که‌سێک ویستی له‌ بن ده‌ستی داعش بێته‌ ده‌ره‌وه‌ ڕێگای سه‌لامه‌تی بۆ بکه‌نه‌وه‌. ناوبراو پابه‌ندیی وڵاته‌که‌ی دووپات کردەوە بۆ گه‌یاندنی هاوکاریی تا کۆتایی ئۆپه‌راسیۆنه‌که‌.
hawler -