هاوپه‌یمانی هێزه‌ عێراقییه‌كان كه‌ هێزه‌ سوننه‌كان له‌ خۆ ده‌گرێت، داوایان له‌ سه‌رۆكی وه‌زیران حه‌یده‌ر عه‌بادی كرد، چاره‌نووسی 30 هاوڵاتی ئاشكرا بكات كه‌ خه‌ڵكی تاجی و تارمیه‌ی به‌غدان و هێزێكی نه‌ناسراو به‌جلی سه‌ربازی ده‌ستگیری كردون و بۆ شوێنێكی نادار براون.

له‌ به‌یاننامه‌یه‌كدا ئه‌و هاوپه‌یمانیه‌، ده‌ڵێن، هێزێكی سه‌ربازی سه‌ر به‌ لیوای 22 و فه‌رمانده‌یی پرۆسه‌كانی به‌غدا 19 هاوڵاتی ناوچه‌كانی كه‌ناراوه‌كانی تاجی و تارمییه‌یان ده‌ستگیر كردوه‌ و بۆ ئه‌وه‌ی لێكۆڵینه‌وه‌یان له‌گه‌ڵ بكه‌ن و دواتر ئازادیان بكه‌ن، دواتر هێزێكی نه‌ناسراوی دیكه‌ 30 هاوڵاتیان له‌ هه‌مان ئه‌و دوو ناوچه‌یه‌ ده‌ستگیر كردوه‌.

له‌ به‌یاننامه‌كه‌ ئه‌وه‌ش خراوه‌ته‌ روو، تاكو ئێستا ناسنامه‌ی ئه‌و هێزه‌ نه‌ناسراوه‌ و نازانرێت سه‌ر به‌كوێن؟، له‌ هه‌مان كاتدا چاره‌نووسی ئه‌و ده‌ستگیركراوانه‌ دیار نییه‌، نازانرێت بۆ كوێ براون، دواشی له‌ فه‌رمانده‌ی هێزه‌ چه‌كداره‌كان كرد، ده‌ستبه‌جێ ده‌ست به‌ لێكۆڵینه‌وه‌ له‌م رووداوه‌ بكات و لایه‌نی جێبه‌جێكاری ئه‌و كاره‌ و چاره‌نووسی ده‌ستگیركراوان ئاشكرا بكرێت و ئازاد بكرێن.
PAYAMNER-