له ناو زانكۆى مووسڵ چهكى كیمیاوی دۆزرایهوه
لە بەیاننامەیەكدا كە كەناڵی نیمچە فەرمی عێراقییە بڵاوی كردووەتەوە، عەبدولئەمیر رەشید یارەڵڵا، فەرماندەی ئۆپەراسیۆنی كۆنتڕۆڵكردنەوەی نهینهوا ڕای گهیاند :" هێزەكانی دژە تیرۆر، گەڕەكی یارمچەی رۆژئاوا لە باشووری رۆژهەڵاتی مووسڵیان كۆنتڕۆڵكردەوە و ئاڵای عێراقییان لەسەر باڵەخانەكانی حكوومی بەرز كردەوە".
هەروەها گوتیشی :" هێزەكانی پۆلیسی فیدراڵ و فیرقەی نۆی زرێپۆشی سوپا بە پشتیوانی ئاسمانی فڕۆكەكانی هاوپەیمانێتی نێودەوڵەتی و عێراق، سەرجەم گەڕەكەكانی باشووری رۆژهەڵاتی مووسڵیان كۆنتڕۆڵكردووەتەوە".
لەلایەكی دیكەوە، فەریق ڕوكن عەبدلوەهاب ساعدی، فەرماندەی هێزەكانی دژە تیرۆری عێراق، رایگەیاند كە هێزەكانیان ماددەی قەدەغەكراوی كیمیایی داعشیان لەناو زانكۆی مووسڵ دۆزیوەتەوە و دەستیان بەسەردا گرت.
ئهوهشى ئاشكرا كرد، كه تیمی ئەندازیاری سەربە هێزەكانی دژە تیرۆر لە میانی هەڵمەتی پاككردنەوە كە لەناو باڵەخانەی زانكۆی مووسڵ ئەنجامی دەدەن، 9 بەرمیلیان دۆزییەوە كە ماددەی قەدەغەكراوی كیمیاییان تیایدا بوو
bas news-
