تەقینەوەیەکی بەهێز عەلوەیەکی شاری بەغدای پایتەختی عێراق دەکاتە ئامانج و دەیان کوژراو و برینداری لێ دەکەوێتەوە.



تەقینەوەکە سەرلەبەیانیی رۆژی یەکشەممە 8/1/2017 لە دەروازەی عەلوەی ناوچەی جەمیلە لە رۆژهەڵاتی بەغدا رووی دا و تاوەکو ئێستا نازاندرێ لە رێی بۆمبەوە بووە یاخود ئۆتۆمبێلی بۆمبڕێژکراو.



بەپێی زانیارییەکان، بەهۆی تەقینەوەکەوە، 12 هاووڵاتیی و کاسبکار گیانیان لەدەست داوە و 50ـی دیکەش بریندار بوون.



بەهۆی ناکارایی هێزە ئەمنییەکانی عێراق، بەردەوام تەقینەوە و کردەی تیرۆریستی و رفاندن لەشاری بەغدا روو دەدەن.




باسنیوز