به‌پێی نووسراوێك كه‌ له‌ دادگاى لێكۆڵینه‌وه‌ له‌ دۆسێكانى بڵاوكردنه‌وه‌ و میدیاى سه‌ر به‌ ئه‌نجوومه‌نى باڵاى دادوه‌رى عێراق ده‌رچووه‌ و ڕه‌وانه‌ى بنكه‌ى پۆلیسی سه‌عدوون له‌ به‌غداد كراوه‌، دادوه‌رى دادگاكه‌ له‌سه‌ر سكاڵاى نوورى مالیكی، داواى ڕاپێچكردنى هه‌ریه‌ك له‌ فه‌خرى كه‌ریم، سه‌رنووسه‌رى ڕۆژنامه‌ى مه‌دا و، عه‌لى حوسێن، نووسه‌رى وتارێك كردووه‌، كه‌ له‌ ڕۆژنامه‌كه‌ بڵاو كراوه‌ته‌وه‌، بۆ به‌رده‌م دادگا كردووه‌.

له‌ نووسراوه‌كه‌دا، كه‌ له‌ 14ى تشرینی دووه‌مى 2016 دادوه‌ره‌كه‌ ئیمزاى كردووه‌، هاتووه‌ :" به‌مه‌به‌ستى جێبه‌جێكردنى بڕیارى دادوه‌رى لێكۆڵینه‌وه‌ له‌ 9-11-2016، دادگا بڕیاری دا به‌ ڕاپێچكردنى هه‌ریه‌ك له‌ (فه‌خرى كه‌ریم، سه‌رنووسه‌رى ڕۆژنامه‌ى مه‌دا و عه‌لى حوسێن، نووسه‌رى وتار) ".


ئاماژه‌ به‌وه‌ش دراوه‌، كه‌ بڕیاره‌كه‌ به‌پشتبه‌ستن به‌ ماده‌ى (434) سزاكان، له‌سه‌ر سكاڵاى ژماره‌ى سه‌ره‌وه‌ (800 بڵاوكردنه‌وه‌/ لێكۆڵینه‌وه‌ 2016) كه‌ له‌لایه‌ن سكاڵاكار (نوورى كامل محه‌مه‌د حه‌سه‌ن مالیكی) تۆمار كراوه‌.















باسنیوز