قودسی عەرەبی دەنووسێت. حەشدی شەعبی نووسینگەی لە فەللوجە کردووتەوە و ڕێگە بە پولیس نادات کارەکانیان بکەن.



بەپێی ھەواڵێکی ماڵپەڕی قودسی عەرەبی، ئەفسەرێکی پۆلیسی فەللوجە ڕایگەیاندووە کە کەتیبەکانی سەر بە چەکدارانی حەشدی شەعبی نووسینگەکانیان لە ڕێگەی چەند عەشیرەتێکەوە دەکەنەوە و ڕێگری لە چالاکییەکانی پۆلیسی شارەکە دەکەن.



"عامر عیساوی" ئەفسەری پۆلیس لە بەڕێوەبەرایەتیی پولیسی فەللوجە ڕایگەیاند کە کەتیبەکانی بەدر و حزبوڵڵای عێراقی و عەسائیب ئەھل حەق، نووسینگەکانیان بەھاوکاریی چەند سەرۆک ھۆزێک بە بێ ڕەزامەندیی دەسەڵاتداری ناوخۆیی شارەکە کردوونەتەوە و ڕێگری لە پۆلیس دەکەن چەند کەسێکی داواکراو لە ناوچەی نسافی فەللوجە دەستگیر بکەن.



سەرچاوەکە ئاماژەی بەوەش کردووە دوای ئەوەی پۆلیسی فەللوجە چەندین کەسی داواکراوی دەستگیر کردبوو و بۆ بنکەی پۆلیسی ئەلبو عەلوانی گواستوونەتەوە، لەلایەن حزبوڵڵای عێراقییەوە بەسەر بنکەکەدا دراوە و دەستگیرکراوەکان بۆ شوێنیکی نادیار گواستراونەتەوە و دواتر ئازادکراون.



ئەوەشی ڕاگەیاندووە کە ئەو کەتیبانە لە ڕوێگەی نوسینگەکانیانەوە دەستیان بە کردنەوەی سەربازگەی مەشق و ڕاھێنان بۆ چەکدارەکانیان کردووە و شوێنەکانیان قەدەغەکراون و ڕێگە نادەن دەسەڵاتەکانی ناوخۆی ناوچەکە لێنان نزیک ببنەوە.
payamner -