شەش کەس وەک گوتەبێژی ئۆپەراسیۆنی رزگارکردنەوەی مووسڵ دیاری دەکرێن.



شانەی راگەیاندنی جەنگیی سەر بە وەزارەتی بەرگریی عێراق رایگەیاندووە، کە تەنها ئەم شەش کەسە دەتوانن زانیاری لەبارەی ئۆپەراسیۆنەکە و پێشڕویی هێزەکان، زانیاری بدەنە رۆژنامەنووسان.



ئەو شەش کەسەی رێگەپێدراون بە ناوی ئۆپەراسیۆنی رزگارکردنەوەی مووسڵ لێدوان بدەن:


- عەمید هەڵگورد حیکمەت، گوتەبێژی وەزارەتی پێشمەرگەی حکوومەتی هەرێمی کوردستان.
- شانەی راگەیاندنی جەنگی.



- عەمید یەحیا رەسوڵ، گوتەبێژی فەرماندەیی ئۆپەراسیۆنی هاوبەشەکان.
- عەمید سەعد مەعن، گوتەبێژی وەزارەتی ناوخۆی عێراقی.



- پەرلەمانتار ئەحمەد ئەسەدی، گوتەبێژی فەرمیی بە ناوی حەشدی شەعبی.
- سەباح نوعمان، گوتەبێژی دەزگای دژەتیرۆری عێراق.



سەرکردەکانی پێشمەرگە و سوپای عێراق باس لەوە دەکەن، کە ئۆپەراسیۆنی رزگارکردنەوەی مووسڵ نزیک بووەتەوە و هەموو هیزەکان دەستیان بە ئامادەکاری کردووە.



لە مانگی حوزەیرانی 2014 دوای هەرەس هێنان و شکستی سوپای عێراق، شاری مووسڵ و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار و چەند ناوچەیەکی باشووری کەرکووک لەلایەن چەکدارانی رێکخراوی توندڕەوی داعش داگیر کرا.
Bas News-