سێ ته‌قینه‌وه‌ی جیاواز له‌ شاری به‌غدا، كوژرانی 17 كه‌س و برینداربوونی زیاتر له‌ 50 كه‌سی به‌دواوه‌ بوو.

به‌گوێره‌ی سه‌رچاوه‌ پزیشكیيه‌كان، له‌ ئه‌نجامی ته‌قینه‌وه‌یه‌كدا له‌رێگه‌ی پشتێنه‌ی مینڕێژكراو له‌ ناوچه‌ی جه‌دیده‌ی رۆژهه‌ڵاتی ئه‌و شاره‌، 9 كه‌س كوژران و زیاتر له‌ 30 كه‌سی دیكه‌ش بریندار بوون.

له‌لایه‌كیدیكه‌وه‌ به‌گوێره‌ی چه‌ند سه‌رچاوه‌یه‌ك، له‌ ئه‌نجامی هێرشێكی دیكه‌ی خۆكوژیدا له‌ ناوچه‌یه‌كی رۆژئاوای به‌غدا، 6 كه‌س كوژران و 22ى دیكه‌ش بریندار بوون، هه‌روه‌ها له‌ ئه‌نجامی ته‌قینه‌وه‌ی بۆمبێكی چێندراو له‌ ناوچه‌ی ره‌زوانیه‌ی رۆژئاوا، 2 كه‌س كوژران.

دوای ته‌قینه‌وه‌كانیش، كه‌ سه‌رجه‌میان گردبوونه‌وه‌كانی شیعه‌كانیان كردبووه‌ ئامانج، داعش به‌رپرسیارێتی خۆی له‌ ئه‌نجامدانی ئه‌و ته‌قینه‌وانه‌ی راگه‌یاند.
k24-