نوێنه‌رێكی به‌سره‌ رایگه‌یاند، له‌ به‌غداوه‌ و به‌ مه‌به‌ستی سیاسی پارێزگاكه‌یان پشتگوێ ده‌خرێت و رێگری ده‌كرێت له‌ بوژاندنه‌وه‌ی پیشه‌سازی و ژێرخانی بنه‌ڕه‌تی ئه‌و پارێزگایه‌.

زاهر ئه‌لعبادی ئه‌ندامی لیژنه‌ی نه‌وت و وزه، رایگه‌یاند،‌ به‌ مه‌به‌ستی سیاسی پڕۆژه‌ و پیشه‌سازی پارێزگای به‌سره‌ پشتگوێ خراوه‌ و په‌كخراون.

نوێنه‌ره‌كه‌ی به‌سره‌ ئه‌وه‌شی راگه‌یاند، زانیاری هه‌ڵه‌ له‌سه‌ر كارگه‌كانی ئاسن و چیمه‌نتۆ و په‌ینی كیمیايی گه‌یه‌نراونه‌ته‌ به‌غدا و هه‌وڵی جددیش هه‌یه‌ بۆ ئه‌وه‌ی نه‌خرێنه‌وه‌ كار.

ئه‌وه‌ له‌ كاتێكدایه‌ به‌شێك له‌ هاووڵاتیان و نوێنه‌رانی پارێزگای به‌سره‌، بڕوايان وایه‌ حكومه‌تی به‌غدا پشتگوێی خستوون له‌ كاتێكدا به‌سره‌ تاكه‌ رێڕه‌وی ئاوی عێراقه‌ به‌ ‌رووی جیهاندا و زۆربه‌ی هه‌ره‌ زۆری نه‌وتی عێراقيش به‌‌و پارێزگایه‌دا هه‌ڵكه‌وتووه‌.
K24 –