لە تەقینەوەی ئۆتۆمبیلێکی بۆمبڕێژکراودا لە ٦ی ئەیلول کە لەلایەن چەکدارانی داعشەوە ئاڕاستەی ناوچەی کەڕادەی بەغدا کرابوو زیاتر لە ١٠ کەس کوژران و ٣٠ کەسی دیکە برینداربوون.

شەوی ڕابردوو ئۆتۆمبیلێکی بۆمڕێژکراو لە گەڕەکی کەڕادە نزیک نەخۆشخانەی عەبدولمەجید لە شاری بەغدا تەقییەوە و دواتر داعشیش تەقینەوەکەی لە ئەستۆگرت.

لە ڕاگەیەندراوەکەی داعشدا هاتووە کە خۆ کوژەکەیان کۆبوونەوەیەکی شیعەکانی کردووەتە ئامانج لە بەغدا.

تەقینەوەکەی ناوچەی کەڕادە چەندینجارە لە ماوەی ئەمساڵدا لەو ناوچەیە روودەدات و لە ٢ی تەموزدا لە زنجیرە تەقینەوەیەکدا لەهەمان ناوچە نزیکەی ٣٠٠ کەس کوژران کە بە خوێناویترین تەقینەوەی ئەم چەند ساڵەی دوای عێراق دادەنرێت.